Nang una kitang masilayan sa ating paaralan
Alam mo ba ang una kong naramdaman?
Tibok ng puso ko ay bumilis nang biglaan
Marahil isang Dyosa ang namasdan
Hindi ko alam ba’t ganito?
Bakit pakiramdam ko sa iyo’y ganito?
Sa tuwing ikaw ay nakikita at nakakasama
Araw ko ay lalong sumasaya
Naalala mo pa ba nang malaman mo
Ang nararamdaman ng aking puso?
Nagulat ka pa sa tinuran ko
Hindi makapaniwalang ako’y umiibig na sa iyo
Pero sinabi mong hanggang kaibigan lang ako
At hanggang doon na lamang tayo
Pero salamat sa lahat ng mga ngiti mo
Sa mukha mong pinagmamasdan ko
Ayokong mawala ka sa buhay ko
Ayaw kong mawala yung babaeng bumihag sa puso ko
Yung mahal ko nang totoo
Yung bang babaeng bumago sa buhay ko?
Kaya kahit ano pang sabihin mo
Mahal kita kahit walang tayo
Mahal kita kahit kaibigan mo lang ako
Pero sana sa hinaharap ito ay magbago
Sana paglipas ng panahon mahal mo na ako.
Komentáře