TULA #5: IKAW LANG (Riandle)

Panibugho ang tanging natamo

Sa pagsintang lubos at totoo

Puso’y piniraso’t nalumbay

Sa paglisan nya’y nawalan rin ng kulay

Ngunit sa’yong pagdating

Aking puso’y agad mong inangkin

Kahit ako ma’y ‘di akalain

Na ika’y aking iibigin

Mula noon sa panaginip iyo nang dinadalaw

Ang isipan kong sa’yo ay uhaw

Maging sa aking pagpasok sa araw

Mukha mo lang ang nanaising matanaw.

Ikaw ang naging Athena sa aking mundo

Dyosang marikit at kay talino

Dalagang bumilanggo sa aking puso

At sya ngayong may-ari nito

Batid kong kay aga pa ng panahon

‘Di pa tama ang pagkakataon

Ako’y wala pa nga sigurong rason

Upang harapin ang mabigat pang hamon

Pero paano?,ang pagsinta’y ubod na nang lalim

Nakabaon na at hirap hugutin

Kaya sinta, wala na kong iba pang nanaisin

‘pagkat kailanman ikaw lang ang hihilingin.