Ang pasaway nga namang si Kupido
Paiibigin na lamang, doon pa sa taong may ibang gusto
Paiibigin na lamang, doon pa sa may nagmamay-ari na ng puso
Iibig na lamang, ba’t sa maling pang tao?
Kaya nga ang hirap ‘pag ika’y suminta
Mas mahirap pa sa matematika
‘Yung patuloy mong hinihintay yung wala
Tuloy, para ka nang tanga
At ‘pag nasisilayan mo silang masaya’t magkasama
Habang ikaw malungkot at nag-iisa
Nanaisin na lang na lumisan na tila ba walang nakita
Dahil sa masakit na!
Marahil ganito nga ang pagsinta
Kahit pa wasak na, patuloy pa ring aasa
Kahit batid mong mahal nya’y iba, patuloy pa ring magpapakatanga
Dahil lang sa mahal mo siyang talaga
Kaya ‘pag puso mo’y nahulog na
Puso mo’y dapat na ihanda
Na maging sobrang saya
O makaranas ng lungkot at pagdurusa
Dahil ‘pag ang puso mo’y tumibok na
Wala nang iisipin pang iba
Kahit ano pang sakit ang madama
Basta ang batid mo lang, mahal mo siya.
Comments