PAGTAHAK SA LANDAS
ni Eldrian Louie Manuyag
Ang buhay ay isang paglalakbay.
Ito ay puno ng mga hamon na dapat mong magamay.
Kaya ikaw, dapat kang maghinay-hinay
dahil ang kapalaran mo ay nasa iyong kamay.
Minsan ay mga buwitreng sa landas mo'y madadaanan,
mga leon at tigreng magpapahina sa iyo nang dahan-dahan,
ahas na tutuklaw sa iyong likuran,
pero 'di ka dapat sumuko at maging matatag lang.
May mga taong darating upang ika'y tulungan,
sasamahan ka sa iyong mga laban.
Silang mga buwitre, leon, tigre, at ahas ay pawang mga pagsubok lang
Kaya mo silang magapi gaano man ang kanilang kalakasan.
Lagi mo lang isipin na ang Diyos ay nariyan.
Nariyan din ang iyong mga kaibigan.
Huwag mong pairalin ang iyong kahinaan,
bagkus isigaw, "Laban lang!"
Sa paglalakbay sa buhay,
ika'y dapat maging matibay.
Hindi puwedeng ika'y malumbay
bagkus isipin lagi na kailangan mong magtagumpay.
Comments